Bu gündən etibarən ölkəmizdə hava şəraiti sərinləşəcək. Sentyabrın 18-21-də ölkə ərazisində havanın temperaturu 5-7 dərəcə enəcək. Bu barədə Ekologiya və Təbii Ehtiyatlar Nazirliyi Hidrometeoroloji proqnozlar xidmətindən məlumat veriblər.
Axşam və gecə saatlarında yağış gözlənilir. Lənkəran-Astara zonasında və Böyük Qafqaz yamacında yağıntı intensiv olacaq. Sentyabrın 19-da Bakıda və Abşeronda yağış yağacaq. Gündüz paytaxtda və şəhər ətrafında şimal-qərb küləkləri güclənərək 10-15 m/s-ə çatacaq, arabir 15-20 m/s-dək şiddətlənəcək. Havanın temperaturu Bakıda və Abşeronda +22+26 dərəcə, dağ rayonlarında +11 +16, dağətəyi rayonlarda +19 +23, mərkəzi aran rayonlarında +23 +27 dərəcə olacaq.

Özbəkistan hökuməti Əfqanıstana hücum etmək üçün öz hava məkanını və ərazisini ABŞ Silahlı Qüvvələrinə verməyə hazır olduğunu bildirib. Bu barədə "Washington Post" məlumat yayıb.
"Biz bütün mümkün əməkdaşlıq formalarını müzakirə etməyə hazırıq," - deyə Özbəkistan xarici işlər naziri Əbdüləziz Kamilov bəyan edib. ABŞ hökuməti isə bildirib ki, hələlik əməkdaşlıq barədə təkliflə Özbəkistana müraciət etməyib, lakin hazırda bu barədə danışıqlar aparılır. Bundan əlavə, Hindistanın Nazirlər Kabineti də öz hərbi bazalarını ABŞ-a vermək barədə qərar qəbul edib. "Biz ABŞ-ın beynəlxalq terrorizmlə mübarizəyə yönələn istənilən hərəkətini dəstəkləyirik," - deyən hökumət nümayəndəsinin sözlərinə görə, ABŞ hər hansı yardımla bağlı hələlik Hindistana müraciət etməyib. Xatırladaq ki, iki gün öncə Rusiyanın müdafiə naziri Sergey İvanov Yerevanda olarkən bildirib ki, Əfqanıstana, eləcə də ümumilikdə terrorçulara qarşı mübarizədə amerikalıların Mərkəzi Asiya ölkələrindən istifadəsini mümkün hesab etmir.

Sentyabrın 16-da Azərbaycan və İran prezidentləri Heydər Əliyevlə Məhəmməd Xatəminin telefon söhbəti olub. Azərbaycan dövlət başçısının mətbuat xidmətinin məlumatına görə, söhbət zamanı prezidentlər H.Əliyevin İrana səfərinə dair məsələləri müzakirə edib.
Söhbət zamanı qərara alınıb ki, "səfər zamanı imzalanacaq sənədlərin hazır olmaması ilə əlaqədar" səfər təxirə salınsın. Sənədlər üzərində işlərin davam etdirilməsi barədə razılıq əldə olunub. Hazır olduqdan sonra saziş layihələri baxılmaq üçün prezidentlərə təqdim ediləcək və sonra səfərin vaxtı müəyyənləşdriləcək. Söhbət zamanı həmçinin iki dövlət arasında dost münasibətlərin bundan sonra da inkişaf edəcəyi qeyd olunub.

Gürcüstan prezidenti Eduard Şevardnadze Bakı-Tbilisi-Ərzurum qaz kəmərinin inşası layihəsi üzrə müqaviləni imzalamaq üçün yaxın vaxtlarda Azərbaycana səfərə gələ bilər. O, dünən miolli radioya verdiyi müsahibədə deyib ki, "Londonda hökumətlərarası müqavilənin detalları üzrə Gürcüstan-Azərbaycan danışıqları başa çatmaqdadır". Şevardnadze sənədin yaxın günlərdə imzalanmağa hazır olacağını bildirib. O deyib: "Londonda danışıqlar tərəflərin mənafeyi nəzərə alınmaqlaənənəvi dostluq şəraitində keçib. Bəzi mübahisəli məsələlər də olub ki, bu da belə danışıqlar üçün adi haldır". Şevardnadzenin sözlərinə görə, danışıqlarda Azərbaycan və Gürcüstanla yanaşı, Dünya Bankının, bir sıra məşhur şirkətlərin, o cümlədən BP-nin nümayəndələri, həmçinin Amerika ekspertləri iştirak ediblər.

Bu gün Astanada sahilyanı dövlətlərin xarici işlər nazirləri müavinlərinin Xəzərin hüquqi statusu ilə bağlı iclası açılacaq. İclasda Azərbaycanı xarici işlər nazirinin müavini Xələf Xələfovun başçılıq etdiyi nümayəndə heyəti təmsil edəcək. X.Xələfov bildirib ki, "Bakı konstruktiv mövqedən çıxış edir və dövlətlər arasında mövqelərin yaxınlaşmasına səy göstərəcəyik". O, Azərbaycan, Rusiya və Qazaxıstanın eyni mövqe nümayiş etdirdiyini xatırladıb. "Bu, məsələnin konsensus yolu ilə həllində etibarlı istinad ola bilər," -deyə o vurğulayıb.

Dünən "Avropa" otelində bu ilin noyabrında Azərbaycanda keçiriləcək "Coorerative Determination - 2001" təlimlərinə həsr olunmuş birinci yekun konfransı keçirilib. Konfransda Azərbaycan, Avstriya, Bolqarıstan, Fransa, Gürcüstan, Almaniya, Yunanıstan, İngiltərə, İtaliya, Moldova, Makedoniya, Portuqaliya, Rumıniya, Slovakiya, Türkiyə, həmçinin, NATO mənzil-qərargahının nümayəndələri iştirak edir. Forum iştirakçıları Müdafiə Nazirliyinin təlimlər keçiriləcək obyektlərinə baş çəkib, iş planının detallarını dəqiqləşdirib. Konfrans sentyabrın 19-da başa çatacaq. "Coorerative Determination - 2001" təlimlərinə dair əvvəlki təlim 2001-ci ilin yanvarında Bakıda keçirilib. Azərbaycanda keçiriləcək qarşıdakı NATO komanda-qərargah təlimlərində Şimali Atlantika alyansı ölkələrindən və "Cülh naminə tərəfdaşlıq" proqramı iştirakçısı olan dövlətlərdən 1000-nə yaxın hərbçi iştirak edəcək.

Yaponiyanın Beynəlxalq Əməkdaşlıq Bankı (Yaran Bank of International Cooreration) ötən həftənin sonunda "Azəriqaz" Səhmdar Cəmiyyətinə rəsmi məktub göndərərək "Qaradağ-Digah-Şimal DRES" qaz kəmərinin çəkilişi üzrə 9 iyul 2001-ci ildə keçirilmiş tenderin nəticələri ilə razılaşmadığını bəyan edib.
Bu barədə öz mənbələrinə istinad edərək məlumat yayan "Banki i Biznes" qəzeti bildirir ki, Yaponiya bankı tenderdə qalibini (Sumitomo şirkəti) tanımaqdan imtina edib. Qəzetin məlumatlarına görə, "Azəriqaz"a təklif olunub ki, bankın metodları əsasında tenderin nəticələrinə yenidən baxılsın. Qeyd edək ki, sözügedən tenderdə 4 konsorsium: Kawasaki/OOGPO SOCAR, Mitsui/Toyo, Nigata/Nissho Iwai və Nirron Steel/Sumitomo şirkətləri iştirak edib.

Oktyabrın 10-12-də Bakıda, Grand Eurore otelinin sərgi mərkəzində 7-ci beynəlxalq "Bakutel 2001- Telecommunications & Comruter Technologies" sərgisi keçiriləcək. Bu barədə məlumat verən sərginin təşkilatçısı, ITE grour şirkətinin direktoru Fərid Məmmədov bildrib ki, tədbirdə Azərbaycan, Türkiyə, Rusiya, ABŞ, İsrail, Norveç, Almaniya və s. ölkələrin 50-dən çox şirkətinin iştirak edəcəyi gözlənilir.