Son günlər Türkiyə-Ermənistan sərhədinin açılması ilə bağlı söz-söhbətlər yenidən dövriyyəyə buraxılıb. Bu yöndə çeşidli iddia, fərziyyə və mövqelər ortaya qoyulur. Həmçinin o da iddia olunur ki, Türkiyənin Ermənistana sərhəd qapısı açması məsələsi prinsipcə həll olunmuş məsələdir və prosesin beynəlxalq sponsorları onu elan etmək üçün, sadəcə, əlverişli şərait gözləyirlər.
Beynəlxalq sponsorlar qismində isə Birləşmiş Ştatlar və Avropa Birliyi çıxış edir. İstər ABŞ-ın, istərsə də AB-nin bu xüsusda strateji maraqlarının olduğu və onların təmin olunması üçün Türkiyəyə təzyiqlər edildiyi də bildirilir.
