Xəbər verdiyimiz kimi, avqustun 25-də olimpiyaçımız Fərid Mansurov yunan-Roma güləşi üzrə yarışlarda qələbə çalaraq Azərbaycana Afina olimpiadasının ilk qızıl medalını qazandırıb. Bu xəbəri, hər bir azərbaycanlı kimi, dövlət başçısı İlham Əliyev də böyük fərəh hissi ilə qarşılayıb. Məlum olduğu kimi, Azərbaycan Prezidenti həmin gün Almaniyada rəsmi səfərdə idi. Avqustun 26-da Berlindən Afinaya gedən dövlət başçısı XXVIII Yay Olimpiya oyunlarının qalibi Fərid Mansurovu şəxsən təbrik edib.

Xəbər verildiyi kimi, avqustun 21-də Prezident İlham Əliyev ölkənin təhsil müəssisələrində təlimin keyfiyyətinin yüksəldilməsi və ümumilikdə təhsil sisteminin təkmilləşdirilməsi məqsədilə iki mühüm sənəd imzalayıb.

Çempionlar Liqası 2004/2005-ci illər mövsümünün üçüncü təsnifat mərhələsinin cavab qarşılaşmaları keçirilib və yarışların qrup mərhələsinə vəsiqə qazanan komandalar müəyyənləşib.