İlham Əliyevin Azərbaycan Respublikasının Prezidenti seçilməsindən bir il ötür. 2003-cü il oktyabrın 15-də keçirilən prezident seçkilərində ölkə əhalisinin mütləq əksəriyyəti, səsvermədə iştirak etmiş seçicilərin 76,8 faizi Azərbaycan dövlətinin gələcəyini növbəti 5 ildə İlham Heydər oğlu Əliyevə etibar etdi.
Bu, Azərbaycan dövlətinin və xalqının gələcəyi üçün gerçəkdən tarixi, strateji bir seçim idi. 1993-cü ilin 15 iyununda taleyini Heydər Əliyevin dühasına və siyasi qüdrətinə etibar edən Azərbaycan xalqı 2003-cü ilin 15 oktyabrındakı seçimi ilə Heydər Əliyev siyasətinə sadiqliyini, həmin yola alternativ görmədiyini bir daha təsdiqlədi.
İlham Əliyev xalqdan aldığı yüksək etimad mandatına sonadək sədaqət göstərəcəyinə and içdi:
"Azərbaycan Respublikası Prezidentinin səlahiyyətlərini həyata keçirərkən Azərbaycan Respublikasının Konstitusiyasına əməl edəcəyimə, dövlətin müstəqilliyini və ərazi bütövlüyünü qoruyacağıma, xalqa ləyaqətlə xidmət edəcəyimə and içirəm! Azərbaycan xalqının əsrlər boyu yaratdığı milli-mənəvi dəyərlərə və ənənələrə sadiq qalacağam, onları daim uca tutacağam!".
Ötən bir il Azərbaycanın yeni rəhbərinin xalqa və dövlətə verdiyi bu anda daima sadiq qaldığını əyani şəkildə sübuta yetirib.

Ötən həftə İçərişəhərlə bağlı daha bir tədbir gerçəkləşdi. Etiraf edək ki, bir qayda olaraq, ətrafdakıların həyəcan təbilindən sonra hərəkətə gələn əlaqədar qurumlar bu dəfə özləri həyəcan təbili çaldı.

Ötən həftə futbol üzrə milli yığma komandamız 2006-cı il dünya çempionatının qrup təsnifat mərhələsi çərçivəsində növbəti oyunlarını keçirdi. Şimali İrlandiya və İngiltərə yığmaları ilə qarşılaşmalar milli komandamızın "Almaniya-2006" çərçivəsində bu il keçirdiyi sonuncu matçlar oldu.